অসমীয়া   বাংলা   बोड़ो   डोगरी   ગુજરાતી   ಕನ್ನಡ   كأشُر   कोंकणी   संथाली   মনিপুরি   नेपाली   ଓରିୟା   ਪੰਜਾਬੀ   संस्कृत   தமிழ்  తెలుగు   ردو

صیحَتھ

  • Indigenous Systems of Medicine.

    طَب میڈسَنک مُقٲمی نِظام

    میڈسَنُک مُقٲمی نِظام وَرتاونَس مُتلِق زانکٲری لُکن تام واتناوٕنی چھیہ سَخ ضوروٗرَتھ۔ آیَروید ، یوگا ، نیچروپیتھی ، یوٗنانی ، سِدا تہٕ ہوموپیتھی (AYUSH )متلق مولوٗمات ، ؤسیٖلہٕ تہٕ ڈاٹا بیسٕچ مَظبوٗطی چھیہ اَے این ڈی جی ہٕکی اِقدام۔

  • Mental Health awareness - Need of the hour

    ذہنی صیحتَس مُتلِق بیدٲری وَکھتٕچ أہَم ضوروٗرَتھ

    عٲلمی صیحَتھ تَنظیٖمہِ مُتٲبِق آسہِ سَنہٕ زٔ ساس وُہَس تام درُس دُنیاہَس مَنز ڈِپریشَن دویِم سارِوٕے کھوتہٕ بٔڈ بیمٲری۔ ذہنی بیمارین ہٕندِ بَڈوٕنہِ خَطر سیتی سَمٲجی تہٕ معٲشی نۄقصانہٕ کِنی چھیہ ذیہنی صیحَتھ تہٕ ذیہنی بیمارین ہٕندِس خَطرَس مُتلِق بیدٲری پٲد کَرنٕچ ضوروٗرَتھ۔.

زَنانَن ہُند صیحَتھ

بَلَوغیت چہِ وٲنسہِ پیٹھٕ بَلوغیت خَتٕم گَژھنہٕ چہِ وٲنسہِ تام چھُ زَنانَن ہٕندِس صیحتَس واتُن سیٹھاہ ضوروٗری۔ بالغی شوروٗ سَپدَنچہِ وٲنسہِ، گۄبہِ کھور آسنہٕ وَکھتہٕ تہٕ بَچہٕ زینہٕ چہِ نالہِ ہٕندِس صیحتَس مُتلق ظۄن دِنُک ضوروٗرَتھ۔ یَتھ پورٹلَس مَنز چھیہ گۄبہِ کھور زَنانَن ہٕندِس کُلہَم صیحتَس مُتلِق مولوٗمات فَراہَم کَرنہٕ آمٕت۔

شُرین ہُند صیحَتھ

شُرین تہٕ زا شُرین ہٕندِ پھانپھلنہٕ تہٕ بَڈنہٕ باپَتھ چھُ مُختلِف بیمارین نِش رَچھنہٕ خٲطرٕ اِنجَکشَن ، بیمارِ آسنَس دوران خَیال تہٕ طاقتی غٔذا أہَم کِردار اَدا کَران۔ شُرین چھُ بیمارین تہٕ ناقَص غٔذٲیَت کِن اَثَر اَنداز سَپدنُک زیادٕ خَطرٕ آسان۔ ناقَص غٔذٲیَت تہٕ لاگ دار بیماریَو نِش بَچنہٕ صیحَتھ مَند اِرتِقاتہٕ وۄتھٕ واشرٕ باپَتھ چھیہ مُنٲسِب رٲچھ راوَٹھ ہٕنز ضوروٗرَتھ آسان۔ شُریَن ہٕندِس پرتھ کُنہِ دورَس زا شُر، دۄدٕ شُر، کھۄکھٕج تہٕ سوکوٗل گَژھنہٕ چہِ وٲنسہِ دوران چھُ خٲص ظۄن دیُن آسان یُتھ زَن تِم بیماریو نِش موفوٗظ تہٕ بٔچِتھ روزَن تہٕ بیہتَر طٔریٖقہٕ پَلَن تہٕ بَڈَن۔ پورٹَل چھُ یِمَن سارِنٕے موضوٗہَن مُتلِق زانکٲری فَراہَم کَران۔

پالسِیہِ تہٕ سِکیٖمہٕ

قومی صیحَتھ مِشنُک (نیشنَل ہیلٕتھ مِشَن) مَقصَد چھُ لُکَن صیحتَس ٹھیٖکھ پٲٹھی واتنَس مُتلِق زانکٲری فَراہَم کَرن، پَسماندٕ لُکَن بَمَے زَنانَن تہٕ شُریَن واتُن ، بیہتَر خٔدمٕژ فَراہَم کَرنہِ ، مَساوات تہٕ جَوابدہی مَنز ہُریَر تہٕ غٲر مَرکوٗز نِیتَس وۄتھبَو دِنہٕ باپَتھ سَمٲجی اونَرشِپ وٲلِس پَبلِک ہیلٕتھ سِسٹمَس اِستحکام بَخشُن۔یہِ پورٹَل چھُ این ایچ ایم تہٕ صیحتَس مُتلَق واریاہَن سِکیٖمَن تہٕ پالسِیَن مُتلَق زانکٲری فَراہَم کَران۔

AYUSH (آیوٗش)

AYUSH یانے آیَروید ، یوگا ، نیچروپیتھی ، یوٗنانی ، سِدا تہٕ ہوموپیتھی۔ (AYUSH ) چھُ مَقبوٗلیَتھ حٲصِل کَران۔پورٹَل چھُ آیوٗشَس مُتلِق بُنیٲدی نَظرِیہِ تَشخیٖصَس ، یَلاجَس تہٕ مُتلقہٕ اَدارَن تہٕ سِکیٖمَن ہٕنز زانکٲری فَراہَم کَران ۔

نیوٗٹریشَن (غٔذٲیَت)

جِسمہٕ کِس غٔذٲیی ضوروٗرتہٕ مُطٲبِق غٔذا حٲصِل کَرنَس چھِ غٔذٲیَتھ وَنان۔ بیہتَر غٔذٲیَتھ۔جِسمٲنی حَرکَژَو مُطٲبِق مُتوٲزِن کھین چھُ جان صیحتٕچ بُنیاد۔ پورٹَل چھُ کھینَس مُتلِق زَہنُما خَطوٗط ، غٔذا تہٕ تَمِکی غٔذٲیی ویلیوٗز، غٔذٲیتٕک تَصوُر تہٕ ٹِپٕس تہٕ بییہِ وارٕیاہ کینہہ زانکٲری فَراہَم کَران۔

صَفٲیی تہٕ حِفظانہٕ صیحَتھ

حِفظانہٕ صیحَتَس مُتلَق چھُ چون کیُت صاف آب مایہِ تہٕ ٹھوس ویسٹ مَنیجمینٹ ماحولیٲتی صَفٲیی تہٕ ذٲتی حِفظانہٕ صیحَتھ شٲمِل۔ پورٹَل چھُ یِمَن أہَم موضوٗہَن مُتلِق مولوٗمات فَراہَم کَران۔

ذہنی صیحَتھ

WHOچھُ ذہنی صیحتَس ذہنی بیہتری وَنان یَتھ مَنز اَکھ فَرٕد پَنٕنین ذٲتی وَصفَن زٲنِتھ تہٕ سَمجِتھ چھُ ہیکان زِندگی ہٕندِ نارمَل دَباوُک مُقابلہٕ چھُ کٔرِتھ ہیکان، تَخلیٖقی صَلٲحیژَو سیتی کٲم کٔرِتھ چھُ ہیکان تہٕ پَنٕنہِ کَمیونِٹی مَنز پَنُن کِردار اَدا کٔرِتھ ہیکان۔ پورٹَل چھُ اَتھ ؤسیح صیحتہٕ کِس موضوٗہَس نیسبَتھ مولوٗمات فَراہَم کَران۔ یَتھ پیٹھ اَز کَل دیان دِنٕچ ضوروٗرَتھ چھِ۔

فسٹ ایڈ ( اِبتدٲیی طبی اِمداد)

بیمارِ تہٕ زَخمَس اِبتدٲیی یَلاج فَراہَم کَرنہٕ چہِ عَملہِ چھِ فٔسٹ ایڈ وَنان۔ پورٹَل چھُ ژیتَس تھاونہٕ باپَتھ أہَم نۄکتَن مُتلِق مولوٗمات، دَفترٕ، گَرِ، سوکوٗلَس ، کالجَس یا فیکٹری مَنزایمَرجَنسی یا موموٗلی زَخٕم یِنہٕ کِس صوٗرتَس مَنزتَیار روزنٕچ زانکٲری فَراہَم کَران۔

Last Modified : 12/4/2020



© C–DAC.All content appearing on the vikaspedia portal is through collaborative effort of vikaspedia and its partners.We encourage you to use and share the content in a respectful and fair manner. Please leave all source links intact and adhere to applicable copyright and intellectual property guidelines and laws.
English to Hindi Transliterate