سٔروِس ڈیلِؤری سِسٹمِچ بَدلہٕ وٕنی صوٗرَتھ
ای گَورنَنٕس چھیہ بارتَس مَنز ٹَرنزکشنَل مَرحلَس تام وٲژمٕژ تہٕ چھیہ مَرکزی سَرکارچَو ایجَنسِیَو تہٕ مُختلِف رِیاستی سَرکار کیو محکَمَو طَرفہٕ فَراہَم کَرنہٕ آمٔژ خٕدمٔژ شہرِیَن دٔسیاب تھَوان۔ 2006 ہَس مَنز شوروٗ کَرنہٕ آمُت نیشنَل ای گَورنَنٕس پُلانُک (این ای جی پی) مَقصَد چھُ درُس بارتَس مَنز قٲیِم کَرنہٕ آمتیو کامَن سٔروِس سینٹرَو (سی ایس سی) دٔسی عام اِنسانَس تام پَننِس عَلاقَس مَنز تَمام سَرکٲری خٕدمٔژ آیہِ تَن تھاونہِ۔ اَگست 2013 پیٹھٕ چھِ اَلہٕ پَلہٕ 126986 (سی ایس سی ویب سَیِٹ) سی ایس سیٖز مُختلِف ناوَو سیتی چَلان تہٕ چھَکھ لُکَن خٕدمَتھ آیہِ تَن تھاونٕچ عَمَل شوروٗ کٔرمٕژ۔ بارَت چھُ مُختلِف اِدارَو خاص پٲٹھ سی ایس سیٖز دٔسیاب تھاونہٕ آمتہِ اَے سی ٹی سَہوٗلیژ ہُند فٲیدٕ تُلنہٕ باپَتھ تَیار۔ اَے این ڈی جی اِقدام چھُ مُقٲمی زَبانین مَنز تِم مولوٗماتھ تہٕ خٕدمٔژ آیہِ تَن تھاوان یِہُند لُکَن زَبَردَس ضوروٗرَتھ چھُ تہٕ اَمہِ سیتی چھیہ ضو رورٗرَتھ مَند سَمٲجی حَلقَن ہٕنز زَندگی مَنز کَتہِ کور فَرق دریٖنٹھ یِوان۔
ییمہِ پوٹلہٕ کہِ ای گَورنَنٕس حِصٕچ أہَم قٲبلہِ تَوَجہہ کٲم چھیہ بارتَس مَنز جٲری ای گَورنَنٕس تٔحریٖک لوگوٗ کَرٕن۔ شَہری خٕدمٔژ، رِیاستی مَخصوٗص ای گَورنَنٕس اِقدام تہٕ آن لَیَن قونوٗنی خٕدمٔژَن مُتلِق بیدٲری، موبَیِل گَورنَنٕس، آر ٹی آے وَغٲرَس مُتلِق زانکٲری دِنہٕ کہِ غَرضہٕ أکسٕے جایہِ مولوٗمات آیہِ تَن تھٲوِتھ چھیہ یہِ کٲم اَنجام دِنہٕ یِوان۔ وی ایل ایٖزبا اِختِیار بَناونٕچ أہمیَتھ مَدِنَظَر تھٲوِتھ چھُ پوٹلَس مَنز ’’وی ایل ای کارنَر‘‘ ناوُک اَکھ حِصہٕ شٲمِل کَرنہٕ آمُت یُتھ زَن تِم ؤسیٖلَن ہٕندِ مَوادُک فٲیدٕ تُلَن تہٕ تِمَن پَننہِ زَبٲنی مَنز پَنٕنی تَجرُبہٕ باونُک موقہٕ میلہِ۔.
یہِ حِصہٕ چھُ نیشنَل ای گَورنَنٕس پُلان ، اِقدام، ؤسیٖلہٕ تہٕ رِیاستی سوتھرِس پیٹھ مُختلِف ای گَورنَنٕس کوٗشِشَن ہُند تَفصیٖل فَراہَم کَران۔
دی رَیِٹ ٹوٗ اِنفارمیشَن ایکٹ 2005 (آر ٹی اَے) چھُ شَہرِیَن باپَتھ مولوٗماتھ حٲصِل کَرنُک حَق عَملاونَس مُتلِق پارٹی پارلِمینٹُک اَکھ ایکٹ۔ یہِ ایکٹ چھُ جوموٗ کَشمیٖر رِیاستہٕ وَرٲے تَمام رِیاستَن تہٕ مَرکزی اہتمام والین عَلاقَن پیٹھ لوگوٗ سَپدان۔
یہِ حِصہٕ چھُ آن لَیِن شہری خٕدمٔژن تہٕ اَتھ سیتی وابَستہٕ فٲیوٕ دِنہٕ واجنین مُختلِف لِنکَن ہُند تعارُف تہٕ مولوٗمات فَراہَم کَران۔
یہِ حِصہٕ چھُ سی ایس سیٖز فٲیدٕ دِنہٕ واجنین مُختلِف لِنکَن تہٕ اَتھ سیتی وابَستہٕ خٔدمٔژَن ہُند تَفصیٖل پیش کَران۔
اَتھ حِصَص مَنز چھُ بارتَس مَنز پھانپھلَن واجنہِ موبَیِل گَورنَنسٕچ تَفصیٖل تہٕ واریاہ مُتلقہٕ لِنکٕس تہٕ تِہُند مۄخصَر تعارُف شٲمِل۔
یہِ حِصہٕ چھُ آن لَیِن قونوٗنی خٔدمٔژ آیہِ تَن تھاونَس تہٕ اَتھ سیتی وابَستہٕ مُختلِف کارگَر لِنکَن مُتلِق زانکٲری تَفصیٖلہٕ سان پیش کَران۔
Last Modified : 12/4/2020