ہوم / ای ۔ گَوَرنَنٕس / ڈِجٹَل فاینانشَل سٕروِسِز / ڈِجٹَل فاینانشَل سٕروِسِز
شِیَرکٔرِو
Views
  • رِیاسَتھ Open for Edit

ڈِجٹَل فاینانشَل سٕروِسِز

ڈِجٹل مٲلی خٕدماتھ

ڈِجٹل مٲلی شمول چھُ سماجہٕ کین تِمَن پَسماندٕ تہٕ بِدوٗن آمتین طبقَن ہٕندٕ دٔسی رَسمی مٲلی خٔدمَژَن ہٕنز ڈِجٹَل رَسٲ یی تہٕ تِم وَرتاونُک حوالہٕ دِوان۔ یہِ مقصد پوٗرٕ کرنہٕ کہِ غَرضہٕ رٲیِج کَرنہٕ آمژٕ خٔدمَژٕ چھیہِ ڈِجٹل مٲلی خدمژٕ (DFS) رٔنگی زاننہٕ یِوان۔ یِم چھِ گراکن ہٕنزٕ ضوروٗرٔژ پوٗرٕ کرنہٕ کہِ گَوٕ تیار کرنہٕ آمٕتی۔ تہٕ یِم چھِ ذِمہٕ درانہٕ پٲٹھین تتھ قٕمتَتس پیٹھ فراہم کرنہٕ یِوان یُس گراکھ تہِ اَدا ہیکہِ کٔرِتھ تہٕ فراہم کرن والین تہِ موٲفِق آسہِ۔

یِژھِ کُنہِ تہِ ڈِجٹل مٲلی خٕدمَژَن چھِ ترے اہم حِصہٕ: اکھ ڈِجٹل لین دین کرن وول پلیٹ فارم، پرچون ایجنٹ تہٕ پلیٹ فارمہٕ ذٔریہِ عام طور موبایِل فونَن ہیوٗ آلَن ہُند گراکَو تہٕ اَجَنٹو ذٔریہِ اِستِمال۔

یہِ چھُ اکھ سُہ وسیٖلہٕ ییمہِ سٕتین زَن مٲلی خٕدمَژٕ ڈِجٹٕل چَنلَو ذٔریہِ تِمَن لوٗکَن تام بَڈٕ تیٖزی سان واتان چھیہ یِمَن نہٕ بینکَس سٕتین وابَستگی چھیہ۔ بینک، لۄکٕٹ مٲلی اِدارٕ، موبایل آپریٹر تہٕ خدمت فراہم کرن وٲلی تریِم دٔری چھ ِ موبایل فونن، آلہٕ کٕنن وٲلی مرکز، لۄکٕٹ پیمانہٕ کین ایجنٹن ہٕندِس نیٹ ؤرکَن فٲیِدٕ واتناوان تاکہِ تِم تھوَن ریوایتی بینکِنگ کٲری کھوتہٕ سرۄگہِ مۄلہٕ تہٕ زیادَو سہولیژَو سان بُنیٲدی مٲلی خٕدمٕژٕ آیِتن۔

یَتھ کتابہِ منز یِمَن DFS کین قٕسمَن مُتلِق لیٖکھٕنہٕ آمُت چھُ تِم چھِ بۄنہٕ کنہِ:

  • CARD
  • USSD
  • AEPS
  • UPI
  • Wallet

کارڈ

99Service

کارڈ کیا گٔیہِ؟

یِم چھِ عام طور بینکَو پیٹھٕ جٲری کَرنہٕ یِوان تہٕ یِم ہیکَو أسی یِہندِ جٲری کَرنہٕ یِنہٕ، کارڈ تھاوَن وٲلی سٕندِس اِستمال تہٕ ِ اَدایگی ہٕنزِ بُنیٲز پیٹھ مُختلِف زِمرَن مَنز بٲگرٲوِتھ۔ کارڈَن چھِ ترے قٕسٕم آسان: ڈیبِٹ کارڈ، کریڈِٕٹ کارڈ تہٕ پرِی پیڈ کارڈ۔

کارڈَن ہٕند اَلگ اَلگ قٕسٕم کَم چھِ؟

پری پیڈ کارڈ: یِم کارڈ چھِ آسان گراکَن ہٕندِ بینک کھاتہٕ مَنزٕ گۄڈَ لوڑ کٔرِتھ۔ یِم ہیکہٕ ہوکھ أسی کَم کاسہٕ خریٖدٲری باپَتھ اِستِمال کٔرِتھ۔ یِم ہیکہ ہوکھ أسی موبایلہٕ رِچارٕجِک پٲٹھی رِچارٕج کٔرِتھ۔ یِم چھِ اِستِمال کَرنہٕ خٲطرٕ محفوٗظ آسان۔

ڈیبِٹ کارڈ: یِم چھِ تَمہِ بینکہٕ پیٹھٕ جٲری یِوان کَرنہٕ یَتھ مَنز گراکَس کھاتہٕ آسہِ۔ یِم چھِ آسان بینکہٕ کھاتَس سیتی جُڈِتھ۔ ڈیبِٹ کارڈ چھِ تِمَن سارِنٕے بینکہٕ کھاتہٕ والین جٲری کَرنہٕ یِوان یِمَن بینکَس مَنز (چالوٗ، بَچھَتھ یا اُوَرڈرافٹ) کھاتہٕ آسہِ۔کارڈٕ پیٹھٕ کُنہِ تہِ خَرچہٕ کَرنہٕ پَتہٕ چھُ فوٗری طور اَمہِ مَنزٕ تیوتاہ پإنسہٕ کَم گَژھان۔اِستِمال کَرن وول چھُ یہِ کارڈ پٲنسہٕ کَڈنہٕ خٲطرٕ تہِ اِستِمال کَران۔ پٲنسہٕ کَڈنٕچ حَد چھِ یِوان بینکَو دٔسی طَے کَرنہٕ۔یہِ کارڈ ہیکہٕ ہون پَنٕنِس مَلکَس مَنز اَکہِ نَفرٕ سٕندِ کھاتہٕ پیٹھٕ بیِس نَفرٕ سٕندِس کھاتَس مَنز فَنڈ مُنتقٕل کَرنہٕ خٲطرٕ تہِ اِستِمال کٔرِتھ۔

کریڈِٹ کارڈ:۔یِم کارڈ چھِ بینکَو طرفہٕ یا تِمَو اِدارَو طرفہ یِم RBI طرفہٕ منظوٗر شُدٕ آسَن ٕ جٲری کَرنہٕ یِوان۔ یِم کارڈ ہیکَوکھ مُلکَس مَنز یا مُلکہٕ نیبِر(اَگر اَتھ مُلکہٕ نیبَر اَستِمال کَرنُک اِجازَتھ آسہِ) اِستِمال کٔرِتھ۔ ڈیبِٹ کارڈٕ برعکٕس چھُ کریڈِٹ کارڈَسیتی گراکھ پَنٕنِس کھاتَس مَنز موٗجوٗدٕ رَقمہٕ کھوتہٕ ہُریمان رَقَم کٔڈِتھ ہیکان، مگَر پرتھ کُنہِ کریڈِٹ کارڈَس چھہُ ہُریمانُ رَقَم کَڈنٕچ تہٕ سُہ رَقَم اَدا کَرنُک اَکھ حَد مقرَر کَرنہٕ آمُت آسان۔ اَگر کُنہِ وَجہہَ کِنی یہِ ہُریمان رَقَم وَکھتہٕ پَتہٕ آو اَدا کَرنہٕ تیلہِ چھُ گراکَس یہِ رَقَم سوٗدٕ سان واپَس کَرُن پیوان تہٕ سوٗدٕچ دَر چھِ آسان کارڈ جٲری کَرن وٲلی اِدارَن مَقرَر کٔرمٕژ۔

ڈیبِٹ کارڈ ؍کریڈِٹ کارڈکِتھٕ کٔنی چھِ اِستِمال کَرٕن؟

  • اے ٹی ایمہٕ مَنز پٲنسہٕ کَڈنہٕ باپَتھ چھُ اِستِمال کَرن وٲلِس پَنُن ڈیبِٹ ؍کریڈِٹ کارڈ اے ٹی ایم مِشیٖنہِ مَنز دٲخٕل کَرُن تہٕ پَنُن پِن نَمبر (یُس ژۄن ڈِجٹَن ہُند چھُ) یُس بینکہٕ طَرفہٕ فراہَم کَرنہٕ آمُت چھُ آسان، ٹایِپ کَرُن۔ أکِس دۄہَس مَنز کوٗتاہ رَقَم ہیکِو توہی کٔڈِتھ تَمِچ حَد چھِ آسان بینکَن طَے کٔرمٕژ۔
  • بینکہٕ برانچَس پیٹھ گَژھنہٕ بَگٲرٕے ہیکِہِ اَکھ اِستِمال کرن وول ڈیبِٹ کارڈٕ سیتی مٲلی یا غٲر مٲلی لین دین کٔرِتھ مِثالے پَنُن بیلَنس پَتاہ کٔرِتھ، چَک یا رَقَم جَماہ کٔرِتھ، مِنی سٹیٹمینٹ حٲصِل کٔرِتھ وَغٲرٕ وَغٲرٕ۔
  • بَڈی۪ن پَرچوٗن دُکانَن پیٹھ خریٖدٲری کَرنہٕ وَکھتہٕ گَژھَن بۄنہٕ کَنہِ دِتمِت۪ن عملَن ہٕنز پیروی کَرٕنی:

میہ کیازِ پَزَن یِم کارڈ اِستِمال کَرٕنی؟

  • یِم کارڈ اِستِمال کٔرِتھ ہیکَو کُنہِ تہِ جایہِ خریٖدٲری کٔرِتھ۔
  • اَمہِ سیتی ہیکَو أس کُنہِ تہِ دُکانَس پیٹھ، اے ٹی ایم ، ویلَٹ ، مایکرو اے ٹی ایم ، آن لَیِن خریٖدٲری ہٕنز اَدٲیگی کٔرِتھ۔
  • دۄنوَے ڈیبِٹ تہٕ کریڈِٹ کارڈ ہیکَوکھ أس اے ٹی ایمہٕ مَنزٕ پٲنسہٕ کٔڈنہٕ باپَتھ، پی او ایس(POS ) مرکزَن پیٹھ سامانہٕ یا خٕدمژَن ہٕنز اَدٲیگی کَرنہٕ باپَتھ یا آن لَیِن خٔریٖدٲری کَرنہٕ باپَتھ اِستِمال کٔرِتھ۔
  • یِمَو کارڈَو سیتی ہیکَو أس پرتھ کُنہِ قٕسمہٕ چہِ یوٗٹَلٹی بِلَن ہٕنز اَدٲیگی کٔرِتھ۔
  • یِمَو کارڈَو سیتی ہیکہِ گراکھ ( ہَوٲیی، ریلہِ، بَسہٕ ہٕنز) ٹِکٹہٕ بُک کٔرِتھ ، ہوٹَلَن ہٕنز بُکِنگ کٔرِتھ تہٕ بییہِ ریسٹورَنٹَن ہٕنز اَدٲیگی کٔرِتھ۔
  • تِمَن جایَن ییتن کارڈ ریٖڈَر؍پی او ایس(POS )مَرکز آسَن ہیکہٕ ہوکھ یِم کارڈ کُنہِ تہِ خٕدمژ ہٕنزِ اَدٲیگی باپَتھ اِستِمال کٔرِتھ۔

یِم کارڈکِتھٕ کٔنی ہیکہٕ ہوکھ حٲصِل کٔرِتھ؟

گراکھ ہیکہِ کُنہِ تہِ سَرکٲری یا پراویٹ بینکَس مَنز ڈیبِٹ؍رُپے یا کریڈِٹ کارڈٕ باپَتھ عرضی دِتھ۔

  • کانہہ تہِ شہری ہیکہِ تَتھ بینکَس مَنز یَتھ مَنز تٔمِس کھاتہٕ آسہِ ڈیبِٹ کارڈٕ خٲطرٕ عرضی دِتھ۔
  • کانہہ تہِ شہری ہیکہِ پَنُن ڈیبِٹ کارڈ رُپے کارڈَس سیتی بَدلٲوِتھ۔
  • تِم شَہری یِمَن نہٕ کُنہِ تہِ بینکَس مَنز کھاتہٕ آسہِ پَزِ ڈیبِٹ کارڈ حٲصِل کَرنہٕ خٲطرٕ گۄڑٕکُنہِ بینکَس مَنز کھاتہٕ کھولُن۔
  • سَرکٲری آڈرَو مُطٲبِق چھُ تِمَن سارِنٕے جَن دھن کھاتہٕ والین رُپے کارڈ جٱری کرنُک حُکُم۔

یوٗ ایس ایس ڈی( اَنسٹرَکچرڈ سپلِمنٹری سروِس ڈاٹا)

99Service

USSD یوٗ ایس ایس ڈی کیاہ گَو؟

یوٗ ایس ایس ڈی یُک مَطلب چھُ (Unstructured Supplemantary Service Data) اَنسٹرَکچرڈ سپلِمنٹری سروِس ڈاٹا۔ یہِ چھیہ سۄ خٕدمَتھ ییمُک مَقصَد چھُ بینکِنگ سٔروِس عام اِنسانَس تام واتہٕ ناوٕنی۔ اَمہِ سٔروِسہِ سیتی چھُ پرتھ کانہہ گراکھ اَکہِ نَمبرٕ سیتی بینکِنگ سِروِس ہیکان رَجُو کٔرِتھ چاہَے تٔمِس کانہہ تہِ ٹیلِکام پروایڈَر آسہِ ،کُنہِ تہِ قٕسمُک فون سیٹ آسہِ یا کُنہِ تہِ عَلاقَس مَنز آسہِ۔ یہِ چھُ اَکہِ شاٹ کوڈٕ *99# دٔسی (NUUP ) نیشنَل یوٗنِفٲیڈ یوٗ ایس ایس ڈی پلیٹ فارَمہٕ کہٕ زٔریہِ پیش یِوان کَرنہٕ۔ اَمہِ سیتی ہیکہِ پرتھ کانہہ گراکھ پرتھ دۄہہَ پٲنژَن ساَسن رۄپیَن تام ادٲیگی کٔرِتھ۔

تۄہہِ کیاہ چھُ ضوروٗرَتھ؟

  • کُنہِ بینکَس مَنز کھاتہٕ
  • کانہہ تہِ GSSM جی ایس ایس ایم نیٹ ؤرٕک وول فون۔
  • گراکھٕ سٕندِس کھاتَس سیتی گَژھِ سُے موبایِل نمبر آسُن یُس زَن اِندراج آسہِ آمُت کَرنہٕ۔

بہٕ کِتھٕ کَنہِ کَرٕ یٖہِ اِستِمال؟

  • پَنٕنِس بینکَس پیٹھ گٔژِتھ کٔرِو پَنُن موبایِل نمبَر پَنہٕ نِس کھاتَس سیتی لِنک۔ (یہِ ہیکِو تۄہی اے ٹی ایمَس پیٹھ یا آن لَیِن تہِ کٔرِتھ)
  • تۄہہِ میلہِ (MMID) موبایِل مٔنی آیڈَنٹِفایَر تہٕ (MPIN) موبایِل پِن۔
  • ۔ MPIN تھاوِو یاد۔

یوٗ ایس ایس ڈی یُک کیاہ فٲیدٕ چھُ؟

یہِ چھُ پَنٕنہِ فونہٕ پیٹھٕ پری پیڈ بیلَنس چَک کَرُن ہیوٗ سٔہَل آسان۔ تۄہی ہیکِو اَکہِ عام فونہٕ پیٹھٕ تہِ لین دین کٔرِتھ۔

  • پَنُن موبایِل نمبَر کٔرِو پَنٕنِس کھاتہٕ نمبَرس سیتی لنک
  • پَنٕنہِ فونہٕ پیٹھٕ کٔرِو *99# ڈایِل۔
  • پَنٕنہِ بینکٕک گۄڈنِکی ترےاَچھرَ یا IFSC یِک گۄڈنِکی ژور اَچھَر بٔرِو۔
  • ’ فَنڈٹرانسفر ایم ایم آی ڈی‘ اوپشَن کٔرِو مُنتخٕب ۔
  • وصوٗل کَرن وٲلی سُند موبایل نمبر تہٕ MMID کٔرِو دَرٕج۔ پَنُن MPIN تہٕ رَقَم کٔرِو دَرٕج، تھوڈا جاے ترٲوِو تہٕ پَنٕنہِ کھاتہٕ نَمبرٕک پٔتِم ژور ہِندسہٕ کٔرو دَرج۔

غٲر مٲلی خٕدمَژٕ:۔

بیلَنس پَتاہ کَرُن: اِستِمال کَرن وول ہیکہِ پَنٕنہِ تَمہِ موبایل نَمبَرٕ پیٹھٕ یُس بینک کھاتَس سیتی جُڈِتھ چھُ پَنُن بیلَنس پَتاہ کٔرِتھ۔

منی سٹیٹمینٹ: اِستِمال کَرن وول ہیکہِ پَنٕنہِ تَمہِ موبایل نَمبَرٕ پیٹھٕ یُس بینک کھاتَس سیتی جُڈِتھ چھُ پَنٕنہِ کھاتُک منی سٹیٹمینٹ کٔڈِتھ۔

MMID(Mobile Money Identifier) ہیکَو زٲنِتھ: اِستمال کَران وول ہیکہِ بینکہٕ طَرفہٕ موبایِل بینکِنگ رَجسٹریشَن دوران دِنہٕ آمُت MMID نمبَر زٲنِتھ۔

MPIN بَناوُن یا بَدلاوُن: اِستِمال کَرن وول ہیکہِ M-PIN (موبایِل پِن) بَنٲوِتھ یا بَدلٲوِتھ یہِ پَن چھُ آسان پاسوٲڈَس ہیوٗ یُس زَن مالی لین دین کہِ تَصدیقہٕ خٲطرٕ اِستِمال چھُ یِوان کَرنہٕ۔

مٲلی خٕدمَژٕ:۔

موبایِل نمبر تہٕ MMID اِستِمال کٔرِتھ فَنڈ مُنتقل کَرُن: اِستِمال کَرن وول ہیکہِ MMID تہٕ موبایِل نَمبَرٕ کہِ اِستمالہٕ سیتی بینفِشری سٕندِس کھاتَس مَنز فَنڈ منتقٕل کٔرِتھ۔

IFSC تہٕ کھاتہٕ نمبَر اِستِمال کٔرِتھ فَنڈ منتقٕل کَرُن: اِستِمال کَرن وول ہیکہِ IFSC تہٕ کھاتہٕ نَمبَرٕ کہِ اِستمالہٕ سیتی بینفِشری سٕندِس کھاتَس مَنز فَنڈ منتقٕل کٔرِتھ۔

مَذید ہدایتَو خٲطرٕ کٔرِو تۄہی مُتلقہٕ بینکہٕ چہِ ویب سایٹہِ سیتی رَجوٗ۔

اے ای پی ایس ( آدھار اینیبلڈپیمنٹ سسٹم) AEPS

99Service

AEPS اے ای پی ایس کیا گَو؟

اے ای پی ایس گَو آدھار اینیبلڈپیمنٹ سسٹم AEPS (Aadhaar Enable Payment System) یانے آدھارَس پیٹھ مبنی ادٲیگی ہُند نظام) ۔ یہِ چھیہ سۄ اَدٲیگی ہٕنز خٕدمَتھ یۄسہٕ بینک گراکَس اِختِیار چھُ دِوان زِ سُہ ہیکہِ پَنٕنہِ آدھارٕ کارڈ کہِ پَہچان سیتی پَنٕنِس آدھارَس سیتی جُڈِتھ بینکہٕ کھاتہٕ چَلٲوِتھ تہٕ پَنٕنی بُنیٲدی بینکِنگ لین دین اَنجام دِتھ۔ یہِ چھُ بینکِنگ کارسپانڈنٹ (BC) سٕندِ دٔسی پی او ایس (POS) (مایکرو ATM )س پیٹھ اَکہِ بینکہٕ پیٹھٕ بییِس بینکَس سیتی لین دین کَرنُک اِجازَتھ دِوان۔اِستمال کَرن وول ہیکہِ بینکَس پیٹھ یا بینک کارسپانڈنٹہٕ سٕندِ مَدتہٕ سیتی آدھار نَمبر پَنٕنِس کھاتَس سیتی جوٗڈِتھ۔ اِستِمال کَرن وول ہیکہِ پِن یا پاسوٲڑ وَرٲی AEPSمَرکَزس پیٹھ ییٖتاہ خۄش یِنَس تیٖتاہ لین دین کٔرِتھ۔

میہ کیاہ چھُ AEPS چالوٗ کَرنہٕ خٲطرٕ کَرُن؟

گراکَس یِمہٕ زانکٲری AEPS پیٹھ لین دین کَرنہٕ خٲطرٕ ضوروٗری چھِ تِم چھِ یِتھٕ پٲٹھی:

  • تَمہِ بینکٕچ نِشاندہی کَرٕنی یَس سیتی گراکھ جُڈِتھ چھُ)
  • آدھار نمبَر
  • نام دَرٕج کَرنہٕ وِزِ یِم اۄنگجَن ہٕند نِشانہٕ قٲد چھِ آمٕتی کَرنہٕ۔

بہٕ کیازِ کَرٕ یہِ اِستِمال

AEPS اے ای پی ایسَس سیتی ہیکِو تۄہی بۄنہٕ کَنہِ دِتی مٕتین قٕسمَن ہٕنز لین دین کٔرِتھ:

  • پَنٕنی بینک بیلَنٕس مولوٗم کٔرِتھ۔
  • پٲنسہٕ کٔڈِتھ
  • پٲنسہٕ جَماہ کٔرِتھ
  • اَکہِ آدھارٕ پیٹھٕ بییِس آدھارَس تام فَنڈَن ہٕنز منتقلی کَرٕنی۔
  • AEPS اے ای پی ایسَس سیتی فیَر پرایِس دُکانَن پیٹھ خٔریٖدٲری کَرٕن۔

AEPS لین دین کَرنہٕ خٲطرٕ کینہہ خاص قَدَم چھِ بۄنہٕ کَنہِ :

میہ کیازِ پَزِ یہِ اِستِمال کَرُن؟

  • آدھار نمبَر تہٕ اۄنگجَن ہٕند نِشانہٕ اِستمال کٔرِتھ تہٕ فٲیدٕ تُلنہٕ خٲطرٕ اَکھ آسان تہٕ محفوٗظ اَدٲیگی ہُند پلیٹ فارَم۔
  • تِکیازَ یہِ چھُ أکِس اِنسان سٕنزِ آبٲدی تہٕ بایومیٹرِک؍آیرِس(أچھَن ہٕنداَیرِس) ہٕنزِ زانکٲری پیٹھ مُشتمِل آسان ، اَوَے چھُ یہِ کُنہِ تہِ قٕسمُک دھوکہٕ یا غٲر حقیٖقی سَرگَرمیَن ہٕندِ خطرٕ خَتٕم کَران
  • آدھارَس NREGA ، سوشَل سیکورٹی پینشَن، موزوٗر بُڈٕ پینشَن وَغٲرٕ ہِشہِ مَرکزی یا رِیاستی سَرکارَن ہٕندیو اِدارَو دٔسی سَرکٲری حقَن ہُند بٲگراوُن۔
  • بینکَن دَرمِیان اَکھ أکِس سیتی محفوٗظ تہٕ حفاظتہٕ سان کٲم کَرناوٕنی۔
  • تَمَن بینکہِ کین گراکن یِمہٕ بیننکہٕ کہِ نیٹوٕرکہٕ نِشہِ دوٗر آسَن مٲلی سہوٗلیژ فراہَم کَرٕن تِکیازِ بینک کارَسپانڈنٹن ہٕند بینِفِشری چھِ تِمَن علاقَن مَنز روزان ییتہِ نہٕ یا تہٕ بینک آسانٕے چھِ یا چھِ کَم کاسہٕ آسان۔
  • وُنکینَس چھُ نہٕ لین دینَس پیٹھ کانہہ تہِ خَرچہٕ لوگوٗ یِوان کَرنہٕ۔
  • بینک کھاتہٕ نمبَر یاد تھاوُن چھُ نہٕ ضوروٗرَتھ۔
  • تَم گراکھ یِمَن زَن بایومیٹرِک آلہٕ آسہِ ہیکَن گَرِ بِہِتھ کمپیوٗٹَرٕ، اینڈرایِڈ فونہٕ؍ٹیبلیٹ ذٔریہِ لین دین کٔرِتھ۔ تِم ٹیبلیٹ یِم زَن برونہٕے بایومیٹرِک آلَو سیتی لیس چھِ آسان چھِ دٔسیاب تہٕ تِمو سیتی ہیکو أس لین دین کٔرِتھ۔

یوٗ پی آی

99Service

یوٗ پی آی کیاہ گَو؟

یوٗ پی آی گَو یوٗنِفایڈ پیمنٹ انٹرفیس UPI ۔ یہِ چھُ سُہ نِظام ییمہِ سیتی گراکھ ہیکہِ پَنٕنہِ سماٹ فونہٕ سیتی فورَن ایلکٹرانِک ادٲیگی کٔرِتھ۔ یہِ چھُ IMPS آی ایم پی ایسُک اَکھ نوین ؤرجَن یُس بینکَن دَرمِیان پٲنسہٕ منتقٕل کَرنہٕ خٲطرٕ اِستِمال کَرنہٕ اوس یِوان ۔ آی ایم پی ایسَک پٲٹھی چھُ یوٗ پی آی تہِ فَنڈ منتقٕل کَرنٕچ خٕدمَژٕ ژووُہہَن گٲنٹَن مۄہیا تھاوان۔

  • یہِ چھُ اِستِمال کَرن وٲلی سٕنزِ شِناخت تِتھَے کٔن تَصدیٖق کَران یِتھٕ کٔنی اَکھ ڈیبِٹ کارڈ کَران چھُ مَگراَتھ مَنز چھُ فونُک اِستِمال یِوان کَرنہٕ نہَ کہِ کُنہِ کارڈُک۔
  • یہِ چھُ 24X7 ، 365 دۄہَن کٲم کَران۔

تۄہہِ کیاہ چھُ ضوروٗرَتھ؟

  • اَکھ سماٹ فون یَتھ مَنز یوٗ پی آی (UPI) ایپ آسہِ۔
  • اَکھ بینک کھاتہٕ۔

یہِ کِتھٕ کٔن چھُ کٲم کَران؟

UPI یوٗ پی آیہِ کہِ ذٔریہِ آن لَیِن لین دین کَرنہٕ خٲطرٕ چھِ ترے آسان مَرحلہٕ

اَتھ کَمہٕ خصوٗصیَتھٕ تہٕ فٲیدٕ چھِ؟

  • UPI چھُ گراکھ سُند یوٗزَرنیم ، بینک کھاتہٕ نمبَر، IFSC کوڈ یا بینک برانچٕچ تَفصیٖلات اِشتراک کَرنٕچ ضوروٗرَتھ خٲرِج کَران۔
  • UPI چھُ ڈیبِٹ کارڈ ہیوفِزکٕل آلَن ہٕنزاِستِمال خٲرِج کَران۔
  • نیٹ بینکِنگ ہٕند پٲٹھی تِم عملہٕ یِمہٕ کٔثیٖرمَرحلہٕ واجنہِ آسان چھِ تہٕندِ اِستِمالُک چھُ نہٕ ضوروٗرَتھ تِکیازِ یِم چھِ غٲر محفوٗظ فریم ؤرٕکہٕ کِنی فَریبَن ہُند شِکارگَژھان۔
  • یہِ چھُ اَکھ آسان ایپ(App ) ییمُک اِستِمال پرتھ کانہہ ہیکہِ کٔرِتھ۔
  • فورَن تہٕ محفوٗظ تَصدیٖق کَرن وول ، یُس کُنہِ تہِ جایہِ یِیہِ شوروٗ کَرنہٕ۔
  • یہِ چھُ پوٗرٕ پٲٹھ اَکہِ کیشلیس (نَقدٕ وَرٲیِے) ڈِجٹَل سَماجٕچ وَتہٕ کھولان۔
  • اَکہِ اِنوایِسٕک (Invoice) پٲٹھی ہیکَو پٲنسہٕ سوزنٕچ دَرخواست کٔرِتھ۔
  • گراکھ ہیکَن (UPI )یو پی آیُک اِستِمال کٔرِتھ (utility ) یوٹِلٹی بِلٕس تہٕ سوکوٗل فیٖسُک آن لَیِن اَدٲیگی کٔرِتھ۔

ای ویلیٹ

99Service

ای ۔ویلیٹ کیا گَو؟

ای ویلیٹُک مَطلب گو ایلَکٹرانِک ویلیٹ۔ یہِ چھُ اَکہِ قٕسمُک ایلَکٹرانِک کارڈ یُس زَن کَمپیوٗٹَر یا سماٹ فونہٕ ذٔریہِ آن لَیِن لین دینن کَرنہٕ خٲطرٕ اِستمال چھُ یِوان کَرنہٕ ۔ای۔ویلیٹ چھِ تِتھَے کٔن اِستِمال کٔرِتھ ہیکان یِتھٕ کٔنی اَکھ کریڈِٹ کارڈ یا ڈیبِٹ کارڈ کَران چھِ۔لین دین کَرنہٕ باپَتھ چھُ یہٕ ای۔ویلیٹ تٔمِس نَفرٕ سٕندِس کھاتَس سیتی جوڑُن ضوروٗری۔ای۔ویلیٹُک بُنیٲدی مَقصَد چھُ کاغذَو رُس لین دین آسان بَناوُن۔

یہِ کِتھٕ کٔنی چھُ کٲم کَران؟

ای۔ویلیٹَس چھِ بُنیٲدی طور زٕ حِصہٕ ، سافٹ وِیر تہٕ زانکٲری ہُند حِصہٕ۔ سافٹ ویِر چھُ زِمنی زانکٲری سِٹور کَران تہٕ یہِ چھُ ڈاٹا محفوٗظ تہٕ اینکرپشَن تھاوَن ییلہِ زَن زانکٲری ہُند حِصہٕ تَتھ ڈاٹا ہَس پیٹھ مُشتمِل چھُ آسان یُس زَن گراکَن فراہَم چھُ آسان کورمُت مَثلَن پَنُن ناو، سامانہٕ سوزنُک پَتاہ، اَدٲیگی ہُند طٔریٖقہٕ، کوٗتاہ پٲنسہٕ چھُ دیُن، کریڈِٹ کارڈ یا ڈیٖبٹ کارڈٕچ زانکٲری وَغٲرٕ وَغٲرٕ۔

بہٕ کِتھٕ کٔن ہیکہٕ ای۔ویلیٹ اِستِمال کٔرِتھ؟

گراکھٕ سٕندِ خٲطرٕ:

  • پَنٕنِس ڈِوایسَس پیٹھ کٔرِو ایپ (App ) ڈاوُن لوڈ۔
  • مُتلقہٕ زانکٲری دَرٕج کٔرِتھ کٔرِو سایِن ۔اَپ۔ گراکس میلہِ اَکھ پاسوٲرڈ۔
  • ڈیبِٹ کارڈ؍کریڈِٹ کارڈ یا نیٹ بینکِنگ ہُنداِستِمال کٔرِتھ کٔرِو پٲنسَن ہٕنز ادایگی۔
  • آن لَیِن خٔریٖدٲری کَرنہٕ پَتہٕ چھُ ای۔ویلیٹ پٲن پانَے گراکھٕ سٕنزِ زانکٲری اَدٲیگی فارمَس پیٹھ بَران۔
  • ییلہِ آن لَیِن اَدٲیگی مُکمل سَپدان چھِ گراکَس چھُنہٕ آڈَر فارَم کُنہِ تہِ بییِس ویب سایِٹ پیٹھ بَرنُک ضوروٗرَتھ تِکیازِ یہِ زانکٲری چھِ پٲن پانَے ڈاٹا بیسَس مَنز سِٹور گَژھان تہٕ اَپ ڈیٹ گَژھان۔

باپارین/ مٔرچَنٹَن ہٕندِ خٲطرٕ:

  • باپارین / مٔرچَنٹَن چھُ پَنٕنِس ڈِوایسَس پیٹھ ایپ (App ) ڈاوُن لوڈ کَرُن۔
  • مُتلقہٕ زانکٲری دَرٕج کٔرِتھ کٔرِو سایِن ۔اَپ۔ اِستِمال کَرن وٲلِس میلہِ اَکھ پاسوٲرڈ۔
  • پٲن پانَے دِیِو پَنُن پان اَکھ مٔرچَنٹَن قرار۔
  • اَدٲیگی کٔرِو قبوٗل۔

ای۔ویلیٹ اِستِمال کَرنہٕ خٲطرٕ کیاہ چھُ میہ ضوروٗرَتھ؟

  • بینک کھاتہٕ
  • سماٹ فون
  • 4G/3G/2G کَنیکشَن
  • اَکھ مفُت ویلیٹ ایپ(App )

تِم کَتھٕ یِم عملہِ مَنز اَنٕنہِ گَژھَن

  • پَنُن موبایِل کٔرِو بینکَس سیتی اِنداج تاکہِ تۄہہِ میلہِ SMS ذٔریہِ پرتھ کُنہِ لین دینٕچ زانکٲری ۔
  • پَنُن PIN گَژھِ نہٕ کٲنسہِ تہِ باوُن۔
  • تِمَن باپارین/ مٔرچَنٹَن سیتی کٔرِو لین دین یِم زَن بَروسہٕ مَند آسَن۔
  • اے ٹی ایمَس مَنز لین دین کَرنہٕ وِزِ گَژھِ یہِ یَقین بَناوُن زِ تۄہہِ ما چھُ کانہہ وُچھان۔

Source: CSC India

3.04347826087
پَنٕنی راے دِیِو اَگَر تۄہہِ ہیرمِس مَوادَس مُتلِق کانہہ تَبصرٕ کَرُن چھُ یا کانہہ راے چھیے، میہَربٲنی کتھ کِرِتھ کٔرِو ییتیتھ پوسٹ
Enter the word
Back to top